انتظار پر اشعار

 1-

گر انتظار کٹھن ہے تو تب تلک اے دل

کسی کے وعدہء فردا کی گفتگو ہی سہی

--

فیض احمد فیض

2-

تھگ گئے ہم کرتے کرتے انتظار

اک قیامت ان کا آنا ہو گیا

-

3-

جانے آ کر وہ غضب ڈھائیں گے کیا

جن کی آمد اک قیامت ہو گئی

4-

اے ابرِ بہار آج ذرا تھم کے برسنا

آ جائے مرا یار تو پھر جم کے برسنا

-

5-

وعدہ خلاف یار سے کہیو پیامبر

آنکھوں کو روگ دیجیے کیوں انتظار کا

---

خواجہ آتشؔ

6-

آنے کی کس کے اے دل امید کر رہا ہے

جھوٹا زمانے بھر کا وہ ایک چالیا ہے

۔۔۔

خواجہ آتشؔ

7-

انتظار ان کا عبث اے دلِ مشتاق نہ کر

وہ کسی اور کے مہمان بنے بیٹھے ہیں

رنجور عظیم آبادی

8-

وہ جلد آئیں گے یا دیر میں خدا جانے

میں گل بچھاؤں کہ کلیاں بچھاؤں بستر پر

رنجور عظیم آبادی

9-

ہے کس کا انتظار کہ خوابِ عدم سے بھی

ہر بار چونک پڑتے ہیں آوازِ پا کے ساتھ

----

مومن خاں مومن

10-

انداز ہو بہ ہو تیری آوازِ پا کا تھا

دیکھا نکل کے گھر سے تو جھونکا ہوا کا تھا

----

احمد ندیم قاسمی

11-

کب تک قمر ہو شام کے وعدے کا انتظار

سوج بجھا چراغ جلے رات ہو گئی

۔۔۔

قمرؔ جلال آبادی

12-

نہ پوچھو کچھ شبِ وعدہ بلا کی انتظاری ہے

صدا پر کان در پر آنکھ، دل میں بیقراری ہے

ہمدم

13-

گزاری میں نے ساری رات یہ کہہ کر وہ اب آئے

زرا اے چشمِ تر تھمنا، زرا اے دل جگر رہنا

داغؔ

14-

غضب کیا تیرے وعدے پہ اعتبار کیا

تمام رات قیامت کا انتظار کیا

---

داغ

16-

خدا کرے کہ مزہ انتظار کا نہ مٹے

مرے سوال کا وہ دیں جواب اب برسوں میں

---

داغ

17-

اللہ کرے تجھ کو بھی ہو چاہ کسی کی

پھر میری طرح تو بھی تکے راہ کسی کی

داغ

-

اب جو پتھر ہے آدمی تھا کبھی

اس کو کہتے ہیں انتظار میاں

۔۔

افضل خان