محبوب کی آمد پر اشعار

1-

لو وہ آئے جانِ عاشق پر غضب ڈھاتے ہوئے

مسکراتے، اینڈتے، جوبن پہ اتراتے ہوئے

۔۔۔۔۔۔

آزادؔ

2-

آج دم بھر میں اجل کا سامنا ہونے کو تھا

خیر گزری آ گئے تم۔ کیا سے کیا ہونے کو تھا

----

تسلیم لکھنوی

3-

چلے آئے مرے گھر کس طرح تم بھول کر رستہ

یہ کیا اب دل میں آیا تھا، یہ کیا جی میں سمائی تھی

تسلیم لکھنوی

4-

او وعدہ فراموش کدھر بھول پڑا آج

تقدیر ہماری جو یہ صورت نظر آئی

-

5-

پوچھتا کیا ہے ترے آنے سے کیا کیا ہو گیا

ہاتھ بھر دل بڑھ گیا، دُگنا کلیجا ہو گیا

---

سائل دہلوی

6-

بجلیاں دیکھنے والوں میں لگاتے آئے

تم جدھر آئے اُدھر آگ لگاتے آئے

----

رسا

6-

شکوہ کروں میں اُن سے یا اُٹھ لوں بلائیں

وہ آج میرے گھر پر آئے ہیں سال بھر میں

----

شبیر امروہوی

7-

وہ آئیں گھر میں ہمارے خدا کی قدرت ہے

کبھی ہم اُن کو کبھی اپنے گھر کو دیکھتے ہیں

----

غالبؔ دھلوی

8-

یار تنہا جو ادھر بھول کے آ نکلا ہے

کیسے ارمان مچلتے ہیں نکلنے کے لیے

----

ملک الکلام قوی

9-

غصہ آتا ہے پیار آتا ہے

غیر کے گھر سے یار آتا ہے

-----

رشکی دھلوی

10-

آج مدت کے بعد آئے ہو

یار یہ دل سے راہ تھی دل کی

----

اکبرؔ میرٹھی

11-

وہ میری ملاقات کو آئے مرے گھر آج

مدت میں دعاؤں نے دکھایا ہے اثر آج

12-

جس کے گھر میں بعد مدت کے وہ آئے

شادمانی اُس کی دیکھا چاہیے

13-

وہ چھپ کے آئے ہیں ڈرتے ہوئے ہمارے گھر

رقیب کو نہ خدایا خبر کرے کوئی

14-

ذاکرؔ کے در پہ آ کے وہ کہتے ہیں ناز سے

اس خانماں خراب کو جب دیکھو گھر نہیں

--------

ذاکرؔ دھلوی

15-

آپ سے آتے ہو کب عشاق مضطر کی طرف

جذبہء دل تم کو لایا ہے مرے گھر کی طرف

----

اکبر الہ آبادی

16-

الفت اسے کہتے ہیں یہ جذبِ محبت ہے

بے آئے مرے گھر میں تو رہ نہ سکا دیکھا

------

بیخود دھلوی