انگڑائی پر اردو اشعار

★

دریائے حُسن اور بھی دو ہاتھ بڑھ گیا

انگڑائی اُس نے نشہ میں لی جب اٹھا کے ہاتھ

(راسخؔ لکھنوی)

★

انگڑائی بھی وہ لینے نہ پائے اٹھا کے ہاتھ

دیکھا مجھے تو چھوڑ دیے مسکرا کے ہاتھ

(نظام رامپوری)

★

دیر تک اس شبہ میں دیکھا ہلال

یہ کسی کافر کی انگڑائی نہ ہو

(سائل دہلوی)

★

اب بھی برسات کی راتوں میں بدن ٹوٹتا ہے

جاگ اٹھتی ہیں عجب خواہشیں انگڑائی کی

(پروین شاکر)

★

جزر و مَد حسن کے دریا میں نظر آتا ہے

قابلِ دید ہے عالم تری انگڑائی کا

(عزیز لکھنوی)

★

جہاں جاگے وہیں انگڑائیاں لو

یہاں پھیلائی ہے سستی کہاں کی

(مشتاق دہلوی)

★

انگڑائی پر انگڑائی لیتی ہے رات جدائی کی

تم کیا جانو بات مری تنہائی کی

(قتیل شفائی)

★

انگڑائی لے کے اپنا مجھ پر خمار ڈالا

کافر کی اس ادا سے بس مجھ کو مار ڈالا

(مصحفی امروہوی)

★

دبے فتنے قیامت بن کے اٹھتے ہیں قیامت ہے

وہ جب انگڑائیاں لے لے کے سینہ تان لیتے ہیں

(راسخ دہلوی)

★

راز اُبھرے ہوئے جوبن کا بتا دیتی ہے

چغلی کھانا ہے غضب یار کی انگڑائی کا

(صفیؔ امروہوی)

★

کون انگڑائی لے رہا ہے عدمؔ

دو جہاں لڑکھڑائے جاتے ہیں

(عبدالحمید عدمؔ)

★

کون یہ لے رہا ہے انگڑائی

آسمانوں کو نیند آتی ہے

(فراق گورکھپوری)

★

دونوں ہاتھوں سے لوٹتی ہے ہمیں

کتنی ظالم ہے تیری انگڑائی

(جگرا مراد آبادی)