لفظ جلوہ پر خوبصورت اشعار کا مجموعہ

☆

نظر آ گیا جو وہ جلوہ نہیں ہے

اسے دیکھنا کچھ تماشا نہیں ہے۔ 

(تاباں دہلوی)

☆

حشر پر قاماتِ جاناں کا ہے جلوہ موقوف

اِس قیامت کو قیامت پہ اٹھا رکھا ہے

(امیر مینائی)

☆

کہہ سکے یہ کون یہ جلوہ گری کس کی ہے

پردہ چھوڑا ہے وہ اُس نے کہ اٹھائے نہ بنے

(غالبؔ)

☆

کچھ نظر آیا نہ پھر جب تو نظر آیا مجھے

جس طرف دیکھا مقام ہو نظر آیا مجھے

(آتش)

☆

جلوے کو اس کے دیکھ کچھ غش سا آ گیا

اُس کا پتہ ملا، تو پھر اپنا پتہ نہیں

(تصویر دہلوی)

☆

خلوت سے انجمن میں وہ تشریف لائے ہیں

دنیا و دیں کے ساتھ بکھیڑے لیے ہوئے

(ریاض خیر آبادی)

☆

باغِ جناں کی تھی ہوس اس کی بہار دیکھ کر

حشر میں ہم مچل گئے جلوہء یار دیکھ کر

(حفیظ عظیم آبادی)

☆