لفظ حوصلہ، ہمت پر اردو اشعار کا مجموعہ

 ☆

آدمیت سے ہے بالا، آدمی کا مرتبہ

پست ہمت یہ نہ ہووے پست قامت ہو تو ہو

(ذوق)

☆

پھرتا ہے سیلِ حوادث سے کہیں مردوں کا منھ

شیر سیدھا تیرتا ہے وقتِ رَفتن آب میں

(ذوق)

☆

گرتے ہیں شہہ سوار ہی میدانِ جنگ میں

وہ طفل کیا گرے گا جو گھٹنوں کے بَل چلے

(مرزا عظیم بیگ)

☆

کام ہمت سے جواں مرد اگر لیتا ہے

سانپ کو مار کو گنجینہء زَر لیتا ہے

(آتش)

☆

مصیبت میں بشر کے جوہرِ مردانہ کھلتے ہیں

مبارک! بُزدلوں کو گردشِ قسمت سے ڈر جانا

(چکبست لکھنوی)

☆

نامی کوئی بغیر مشقت نہیں ہوا

سو بار جب عقیق کٹا تب نگیں ہوا

(نا معلوم)

☆

زیرِ قدم ہے منزلِ مقصود اپنے رند

ہمت سے تو قریب ہے گو راہ دور ہے

(رند لکھنوی)

☆

اتنا بھی رکھیے حوصلہ فوارہ ساں نہ تنگ

چُلو ہی بھر جو پانی میں گز بھر اُبھر چلے

(عاصی دہلوی)

☆

خوشی سے مشکلوں کا سامنا کر منہ نہ پھیر اے دل!

ترے عقدوں کو حل تیرا یہی اوسان کر دے گا

(شاد)