دیدار پر اردو اشعار

1-

ظالم کبھی تو بام پر آ جا کہاں تلک

بہلائے جی کوئی در و دیوار دیکھ کر

2-

مانگے ہے پھر کسی کو لبِ بام پر ہوس

زلفِ سیاہ رُخ پہ پریشاں کیے ہوئے

(غالب)

3-

مری آنکھیں تری صورت کو ترسیں

گلہ ہے مجھ کو صورت آٖفریں سے

(جلال لکھنوی)

4-

ناقہ چلا ہے نجد کو لیلٰی کی ہے دعا

پردہ اٹھے تو قیس ہو محمل کے سامنے

(جلیل مانکپوری)

5-

دم شماری تلک بھی آشفتہ

قدموں کا شمار تھا دل میں

(آشفتہ)

حسرتِ دید لے گئی دونوں جگہ کشاں کشاں 

دن کو درِ رقیب پر رات کو کوئے یاد میں

6-

اس کے رخسار دیکھ جیتا ہوں

عارضی میری زندگانی ہے

(ناجی شاہجہان آبادی)

7-

شوقِ نظارہ ترا کھینچ کے لایا تھا اُسے

گرچہ تھی قیس کے پاؤں میں سلاسل بھاری

(مصحفی)

8-

ذرا ان سے یہ کہدو جو ادھر چلمن کے بیٹھے ہیں

گلی میں رہنے والے وادیِ ایمن کے بیٹھے ہیں

(ریاض خیر آبادی)

9-

وہ جان جو دوبارہ ملی فدا کروں

محشر میں تجھ کو میرے اگر روبرو کریں

10-

ہائے رے حسرتِ دیدار مری ہائے کو بھی

لکھتے ہیں ھائے دو چشمی سے کتابت والے

(ذوق)

11-

ٹھوکریں کھانے کو بیٹھا ہوں میانِ کوئے دوست

اتنی سی امید پر شاید کہ آئے بوئے دوست

(محشر لکھنوی)

12-

شربتِ دیدارا سے تسکین سی کچھ ہو گئی

دیکھ لینے سے دوا کے درد کیا جاتا رہا

(امیر مینائی)

13-

یہی کرتے میری جاں دل پہ جو قابو ہوتا

سامنے تم کو بٹھا کر تمہیں دیکھا کرنا

(میر خلیق)