کلیات شاعری کیا ہوتا ہے؟ دیکھیے جامع اور مفصل تعریف

اردو میں "کلیات" کا لفظ بطور واحد مستعمل ہے۔ کلیات وہ شعری مجموعہ ہے جس میں کسی شاعر کا کل کلام جمع کر کے شائع کر دیا جائے۔ جیسے فیض احمد فیض نے اپنے تمام مجموعوں کو یکجا کر کے "نسخہ ہائے وفا" کے نام سے اپنی زندگی ہی میں شائع کر دیا تھا۔ "کلیاتِ غزلیاتِ میرؔ" میں میر کے چھے کے چھے دواوین کو یکجا کر دیا گیا ہے جبکہ "کلیاتِ نظمیاتِ میر" میں میر کی غزلیات کے علاوہ ان کی باقی تمام اصناف پر مشتمل کلام شامل ہے۔ اسی طرح حسرتؔ موہانی کے بارہ دواوین ہیں جن کو یکجا کر کے کلیاتِ حسرتؔ کے نام سے شائع کیا گیا ہے۔