آئینہ پر اردو شاعری

کیا غور سے اے جانِ جہاں دیکھ رہے ہو

تم سا کوئی آئینہ کے اندر تو نہیں ہے

۔۔۔۔۔

قوی امروہوی

نہ دیکھا کبھی آئینہ بھول کر

تمہارے حسن کا پیدا جواب کر دیگا

۔۔۔۔۔

بیخود دھلوی

اپنی صورت آئینہ میں تم نہ دیکھو ہر گھڑی

کر دیا دیکھو اسی صورت  نے دیوانہ ہمیں

۔۔۔۔۔۔

قیصر دھلوی

نہ بھول اے آرسی گر یار کو تجھ سے محبت ہے

نہیں ہے اعتبار اس کا یہ منھ دیکھے کی الفت ہے

۔۔۔۔۔

حضرت میر تقی میر

میں نہیں ہے فریفتہ روئے نگار دیکھ کر

خود ہیں وہ محوِ آئینہ، اپنی بہار دیکھ کر

۔۔۔۔۔

منتظر امروہوی

نظر اُٹھائیں جو آرسی سے تو اُن سے پوچھوں میں یہ ہنسی سے

لگائی ہے آنکھ کیا کسی سے کہو تو یہ دیکھ بھال کیا ہے

۔۔۔۔۔۔

جلیل مانک پوری

دیکھ کر آئینے کو عکس سے کہتا ہے وہ شوخ

کچھ اگر حسن کا دعویٰ ہے تو باہر آؤ

۔۔۔۔۔۔۔۔

جناب مفتوں دھلوی

آنکھ سیدھی ہی نہیں کرتا کہ مقابل ہو نگاہ

آرسی ناز سے وہ دیکھے ہے شرمائے ہوئے

۔۔۔۔۔۔۔۔۔

شیخ مصحفی امروہوی

انداز اپنا دیکھتے ہیں آئینے میں وہ

اور یہ بھی دیکھتے ہیں کوئی دیکھتا نہ ہو

۔۔۔۔۔۔۔۔۔۔۔

نظامؔ رامپوری

دی تھی حیرت تو ہمیں آئینہ پیدا کرتے

کہ انہیں دیکھتے ہم وہ ہمیں دیکھا کرتے

۔۔۔۔۔۔۔

حضرت ذکیؔ

آئینہ کیا بتائے گا مجھ سے ملاؤ آنکھ

میری نظر کسوٹی ہے حسن و جمال کی

۔۔۔۔۔۔۔۔۔

بیخود دھلوی

آئینہ بن کر رہوں ہر وقت پیش روئے دوست

وہ مجھے دیکھا کرے دیکھا کروں میں سوئے دوست

۔۔۔۔۔۔

جناب نسیم دھلوی

ان آرسی کے دیکھنے والوں کو کیا پرکھ

اچھا ہے وہ حسین ہم اچھا کہیں جسے

۔۔۔۔۔۔۔۔۔۔۔

ریاضؔ گورکھپوری

آئینہ میں کیا دیکھتے ہو اپنی ادائیں

اس ناز کو انداز کو پوچھو مرے جی سے

۔۔۔۔۔۔۔۔۔

نا معلوم