آرزو، حسرت، ارمان پر اشعار

تھی تمنا باغِ عالم میں گل و بلبل کی طرح

بیٹھ کر ہم تم کہیں اے یار ہنستے بولتے

۔۔۔۔۔۔

مشی امیر اللہ تسلیمؔ دھلوی

ناک رگڑی برسوں اس ارمان میں

سن لیں میری بات اک دن کان میں

۔۔۔۔۔۔۔

اکبر الٰہ آبادی

کافر ہو اگر وصل کا ارمان ہو دل میں

مجھ کو تو فقط دیکھنی تھی بات کسی کی

۔۔۔۔۔۔۔

بیخود دھلوی

محفل ہو، شغلِ مے ہو، شبِ ماہتاب ہو

اور میں گروں تو مجھ کو سنبھالا کرے کوئی

۔۔۔۔۔۔

اقبالؔ

اک رات دل جلوں کو یہ عیشِ وصال دے

پھر چاہے آسمان جہنم میں ڈال دے

۔۔۔۔۔۔۔۔۔

نا معلوم

شبِ مہتاب ہو، خلوت ہو، مے ہو، جام و مینا ہو

اِلٰہی اس تکلف سے کسی مہوش کا مہماں ہو

۔۔۔۔۔۔۔۔

نامعلوم

ہم خدا تھے گر نہ ہوتا دل میں کوئی مدعا

آرزوؤں نے ہماری ہم کو بندہ کر دیا

۔۔۔۔۔۔۔۔۔۔

شمس میرٹھی