اقرار، وعدہ، قول و قسم، عہد و پیمان وعدہ خلافی پر اردو اشعار

1-

وہ میرا سوال اور آنکھوں میں آنسو

وہ گبھرا کے منظور کہنا کسی کا

بینظیر وارثی

2-

تو نے آج او بے وفا کیا جاتی دنیا دیکھ لی

راہ پر آنے لگا عہدِ وفا ہونے لگے

بینظیر وارثی

3-

باہم اک وعدہء فردا پہ نوشتہ ہو جائے

کہ مری سہو کی عادت ہے مجھے یاد رہے

داغ

4-

میری باتوں کا نہ باور ہو نوشتہ لے لو

شاہد انساں کے عوض چاہے فرشتہ لے لو

داغ

5-

لیے وعدے ہزاروں ان سے ہم نے اس تمنا پر

کہ صد ہا جھوٹ میں ایک آدھ سچا ہو ہی جاتا ہے

اکبر میرٹھی

6-

میں وہ نہیں ہوں کہ تجھ سے دل مرا پھر جائے

پھروں میں تجھ سے تو مجھ سے مرا خدا پھر جائے

اکبر میرٹھی

7-

 صاف انکار اگر ہو تو تسلی ہو جائے

جھوٹے وعدوں سے ترے رنج سِوا ہوتا ہے

قیصر دھلوی

8-

کہہ دیا ہر بات پر ہاں ہاں مگر کچھ بھی نہیں

میں نے جو درخواست کی منظور ہو کر رہ گئی

تسلیم لکھنوی

9-

کہتے تھے آنے کو خاطر سے ہماری پرسوں

ہوئے برسوں، نہ ہوئی پر وہ تمہاری پرسوں

ذوقؔ دھلوی

10-

وعدہء وصل میں انکار کا پہلو ہے عیاں

ڈگمگاتا ہے جہاز اب لبِ ساحل میرا

11-

کھا جائیں فریب ایسے تو ناداں نہیں ہم بھی

وعدہ بھی غلط آپ کا جھوٹی ہے قسم بھی

بیخود دھلوی

12-

آپ کا اعتبار کون کرے

روز کا انتظار کون کرے

داغ

13-

یقیں ہے مجھ کو وعدے کا نہ کھائیں آ اب قسمیں

عنایت ہے، کرم ہے، بندہ پرور مہربانی ہے

-- :)