اظہارِ عشق و الفت پر اردو اشعار

جان اب تم سے ہے کیا بھید چھپانا دل کا

آپ سے مجھ کو مبارک ہو لگانا دل کا

۔۔۔۔۔۔۔۔۔

شہیدی

خواہش پری کی ہے نہ تمنا ہے حور کی

آنکھوں کے سامنے رہے صورت حضور کی

۔۔۔۔۔۔۔۔

ہمدم الٰہ آبادی

ہم کو تو کوئی چیز نہیں یار سے عزیز

قربان مال، جان تصدق نثار دل

۔۔۔۔۔۔۔۔۔

قوی امروہوی

ادھر آ کلیجے سے تجھ کو لگا لوں

تجھی پر تو دل آ گیا ہے کسی کا

۔۔۔۔

داغ دھلوی

اے صنم جس نے تجھے چاند سی صورت دی ہے

اٰسی اللہ نے مجھ کو بھی محبت دی ہے

۔۔۔۔۔۔۔۔

آتشؔ

پوچھتے کیا ہو کہ تم کو دل دیا کیا دیکھ کر

خوبصورت دیکھ کر، لاکھوں میں یکتا دیکھ کر

۔۔۔۔۔۔۔۔

آتش 

ستم دیکھ کر یا کرم دیکھ کر

غرض مر مٹے کچھ تو ہم دیکھ کر

۔۔۔۔۔۔

بینظیر وارثی

حور پہ آنکھ نہ ڈالے کبھی شیدا تیرا

سب سے بیگانہ ہے اے دوست شناسا تیرا

۔۔۔۔۔۔۔۔

رند لکھنوی

سو بار صدقے ہو کے بھی یہ چاہتا ہے جی

سو بار اور آپ کے قربان جائیے

۔۔۔۔۔۔۔۔۔

رساؔ

یہ تو نہیں کہ تم سا جہاں میں حسیں نہیں

اس دل کو کیا کروں کہ بہلتا کہیں نہیں

۔۔۔۔۔۔۔

داغ

آئے تھے ان سے کہنے انکے ستم کا قصہ

اس کا علاج کیا ہے اب پیار آ رہا ہے

۔۔۔۔۔

داغؔ